2025 පළාත් පාලන ආයතන ඡන්ද විමසීට අදාළ මැතිවරණ කාර්යයන් සඳහා රාජ්‍ය සේවයේ නිලධරයන්ගේ තොරතුරු කැඳවීම සම්බන්ධයෙන් විශේෂ නිවේදනයක් නිකුත් කර තිබෙනවා.

ඒ මැතිවරණ කොමිෂන් සභාව විසින්.

එහි සඳහන් වන්නේ ඉදිරියේදී පැවැත්වීමට නියමිත පළාත් පාලන ආයතන ඡන්ද විමසීමේ රාජකාරී සඳහා වූ රාජ්‍ය නිලධරයන්ගේ තොරතුරු සංගණනය අවසන් අදියරට ළඟා වී ඇති බවයි.

ඒ අනුව යම් රාජ්‍ය නිලධරයෙක් තම තොරතුරු මාර්ගගතව හෝ මුද්‍රිත ලේඛණ මඟින් තම ආයතන ප්‍රධානීගේ නිර්දේශ සහිතව එම නිලධරයාගේ කාර්යාලය පිහිටි දිස්ත්‍රික්කයේ, දිස්ත්‍රික් මැතිවරණ කාර්යාලය වෙත මේ දක්වා යොමුකර නොමැති නම් අදාළ තොරතුරු කඩිනමින් යොමු කරන ලෙස එම නිවේදනය මඟින් දැනුම්දී තිබෙනවා.