ශ්‍රී දළදා ප්‍රදර්ශනය දැක බලා ගැනීම සඳහා මහනුවරට යන සැදැවතුන් වෙනුවෙන් ලබන 18 වනදා සිට විශේෂ ප්‍රවාහන පහසුකම් සපයන බව ශ්‍රී ලංකා ගමනාගමන මණ්ඩලය පවසනවා.

එහි නියෝජ්‍ය සාමාන්‍යාධීකාරී පී. එස්. ආර්.ටී. චන්ද්‍රසිරි සඳහන් කළේ ලබන 28වනදා දක්වා එම ප්‍රවාහන සේවා ක්‍රියාත්මක බවයි.

ඒ අනුව දිවයිනේ සෑම ප්‍රධාන නගරයක සිට මහනුවර දක්වා විශේෂ ලංගම බස් සේවාවක්ද ක්‍රියාත්මක කිරීමට සැලසුම් කර තිබෙනවා.

ඔහු වැඩිදුරටත් කියා සිටියේ දළදා දැක්ම පැවැත්වෙන කාල සීමාවේදී පෞද්ගලික වාහනවල යන පිරිස් දළදා මාළිගාව සමීපයට රැගෙන යාම සඳහා මහනුවර ස්ථාන 4ක සිට වටරවුම් බස් සේවාවක් ද ක්‍රියාත්මක කිරීමට තීරණය කර ඇති බවයි.
 
(colombotimes.lk)