ජීවිත ආරක්ෂාව සඳහා ලබාදුන් ගිනි අවි යළි භාරදෙන ලෙස ආරක්ෂක අමාත්‍යාංශය කළ දැනුම්දීමෙන් පසු තවත් පුද්ගලයන් 42ක් තවමත් එම ගිනි අවි භාරදී නොමැති බව අමාත්‍ය නලින්ද ජයතිස්ස ප්‍රකාශ කළා.

ඒ අද (02) පැවති අමාත්‍ය මණ්ඩලය තීරණ දැනුම්දීමේ ප්‍රවෘත්ති සාකච්ඡාවට එක්වෙමින්.

එහිදී ඔහු වැඩිදුරටත් කියා සිටියේ ගිනි අවි භාර නොදුන් පුද්ගලයන් මේ වන විට ජීවත්ව සිටිනවාද යන්න පිළිබඳව සොයා බලමින් සිටින බවයි.

එමෙන්ම ආයුධ භාර නොදීමට එරෙහිව ඔවුන්ට විරුද්ධව නීතිමය පියවර ගන්නා බවද අමාත්‍යවරයා සඳහන් කළා.