அமெரிக்காவின் லாஸ் ஏஞ்சல்ஸில் ஏற்பட்டுள்ள காட்டுத்தீ மேலும் தீவிரமடைந்துள்ளது.

காட்டுத் தீயில் சிக்கி ஐந்து பேர் உயிரிழந்ததாக வெளிநாட்டு ஊடகங்கள் செய்தி வெளியிட்டுள்ளன.

மேலும், ஒரு லட்சத்திற்கும் மேற்பட்ட மக்கள் பாதுகாப்பான இடங்களுக்கு வெளியேற்றப்பட்டுள்ளனர்.

பாலிசேட்ஸ், ஈடன், ஹர்ஸ்ட் மற்றும் உட்லி பகுதிகளில் தற்போது காட்டுத்தீ பரவி வருவதாக தெரிவிக்கப்பட்டுள்ளது.

இதனால் குறித்த பகுதிகள் மிகவும் பாதிக்கப்பட்டுள்ளன.

பாலிசேட்ஸில் 15,000 ஏக்கரும், ஈட்டன் பகுதியில் சுமார் 10,000 ஏக்கரும் காட்டுத்தீயால் அழிவடைந்துள்ளதாக   வெளிநாட்டு ஊடகங்கள் செய்தி வெளியிட்டுள்ளன.

இது லாஸ் ஏஞ்சல்ஸ் வரலாற்றில் மிக மோசமான காட்டுத்தீ என்று அழைக்கப்படுகிறது.

ஹியர்ஸ்டில் 700 ஏக்கர் நிலமும், உட்லியில் 75 ஏக்கர் நிலமும் எரிந்து நாசமாகியுள்ளதாக தெரிவிக்கப்பட்டுள்ளது.

தீயை அணைக்க ஆயிரக்கணக்கான தீயணைப்பு வீரர்கள் தற்போது ஒன்றிணைந்து பணியாற்றி வந்தாலும், அதிக காற்று வீசியதால் தீயை கட்டுப்படுத்துவது கடினமாக உள்ளதாகவும் தெரிவிக்கப்பட்டுள்ளது.