77வது சுதந்திரக் கொண்டாட்டத்தை குறைந்த செலவில் பெருமையுடன் கொண்டாடுவதற்கு தீர்மானிக்கப்பட்டுள்ளதாக பொதுநிர்வாக, மாகாண சபைகள் மற்றும் உள்ளூராட்சி அமைச்சு தெரிவித்துள்ளது.

சுதந்திர தின விழாவில் பங்கேற்கும் அழைக்கப்பட்ட விருந்தினர்களின் எண்ணிக்கை 3000 இலிருந்து 1600 ஆக குறைக்கப்படும் என அமைச்சர் பேராசிரியர் சந்தன அபேரத்ன குறிப்பிட்டுள்ளார்.

இந்த ஆண்டு கொண்டாட்டத்தின் போது ஜனாதிபதிக்கு 21 வணக்கங்கள் செலுத்துவது ரத்து செய்யப்பட்டுள்ளதாகவும் அவர் அறிவித்துள்ளார்.

முப்படை மற்றும் பொலிஸ் அணிவகுப்பில் பங்குபற்றும் படையினரின் எண்ணிக்கையும் குறைக்கப்பட்டுள்ளதாக அமைச்சர் குறிப்பிட்டுள்ளார்.

இந்த ஆண்டு இராணுவ அணிவகுப்பின் போது கவச வாகனங்களை காட்சிப்படுத்த வேண்டாம் என தீர்மானிக்கப்பட்டுள்ளது.

விமானக் காட்சிகளுக்கும் கட்டுப்பாடு விதிக்கப்பட்டுள்ளதாக அமைச்சர் தெரிவித்தார்.

இவ்வருட சுதந்திர வைபவம் ஜனாதிபதி அனுரகுமார திஸாநாயக்க தலைமையில் அடுத்த மாதம் 4ஆம் திகதி கொழும்பு சுதந்திர சதுக்கத்தில் நடைபெற உள்ளது