பள்ளி மாணவர்களுக்கு 2025 ஆம் ஆண்டுக்கு சுமார் 11.80 மில்லியன் மீட்டர் பள்ளி சீருடை துணி தேவைப்படுகிறது.

இந்த தொகை முழுவதையும் மானியமாக வழங்க சீன மக்கள் குடியரசு ஒப்புக்கொண்டுள்ளதாக அமைச்சரவைப் பேச்சாளர் அமைச்சர் விஜித ஹேரத் தெரிவித்துள்ளார்.
 
இந்தத் துணித் துணிகள் தொடர்பில் கல்வி அமைச்சுக்கு அனுப்பப்பட்ட மாதிரியானது பாடசாலை மாணவர்களின் பாவனைக்கு ஏற்றதாக இலங்கை ஜவுளி மற்றும் ஆடை நிறுவனத்தினால் பரிந்துரைக்கப்பட்டுள்ளது.

இதன்படி, 2025ஆம் ஆண்டுக்கான அனைத்துப் பாடசாலைகள் மற்றும் தனியார் மாணவர்களுக்கு சீருடை வழங்குவதற்கான சீன அரசாங்கத்தின் மானியத்தை ஏற்றுக்கொள்வதற்கு கல்வி, விஞ்ஞானம் மற்றும் தொழில்நுட்ப அமைச்சர் என்ற ரீதியில் பிரதமர் முன்வைத்த பிரேரணைக்கு அமைச்சரவை அங்கீகாரம் வழங்கியுள்ளதாக தெரிவிக்கப்படுகிறது.