අම්බලන්තොට, ගාල්ල, මාතර, සූරියවැව පොලිස් වසම්වලදී යතුරුපැදි සොරකම් කළ සැකකරුවන් 04දෙනෙක් අත්අඩංගුවට ගෙන තිබෙනවා.

ඒ ඊයේ (26) තංගල්ල කොට්ඨාස අපරාධ විමර්ශන කාර්යංශයේ නිලධාරීන් සහ අම්බලන්තොට පොලිස් ස්ථානයේ නිලධාරීන් විසින් සිදු කළ වැටලීම් 04ක් අතරතුරදීයි.

අත්අඩංගුවට ගත් සැකකරුවන් අවුරුදු 38, 39, 52 සහ 59යන වයස්වල පසුවන අතර ගිංතොට, ගාල්ල, මාතර සහ සූරියවැව යන ප්‍රදේශවල පදිංචිකරුවන්.

සැකකරුවන් විසින් අම්බලන්තොට, හුංගම සහ අඟුණකොළපැලැස්ස යන පොලිස් වසම්වල යතුරුපැදි සොරකම් සිදු කර ඇති අතර එසේ සොරකම් කළ යතුරුපැදි 09ක්ද පොලිස් භාරයට ගෙන ඇති බවයි වාර්තා වන්නේ.

(colombotimes.lk)