විශ්වවිද්‍යාල වෛද්‍ය පීඨවල පහසුකම් සංවර්ධනය සඳහා නව වැඩපිළිවෙළක් ආරම්භ කර ඇති බව අධ්‍යාපන අමාත්‍යාංශය පවසනවා. 

අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න සඳහන් කළේ මේ යටතේ වයඹ, සබරගමුව, මොරටුව හා ඌව වෙල්ලස්ස විශ්වවිද්‍යාලවල වෛද්‍ය පීඨවල පහසුකම් සංවර්ධනය සඳහා ප්‍රමුඛ අවධානය යොමු කරන බවයි.

මේ වන විට මෙරට වෛද්‍ය පීඨ 12ක් ක්‍රියාත්මක වන අතර එම වෛද්‍ය පීඨවලට වාර්ෂිකව බඳවා ගන්නා සිසුන් සංඛ්‍යාව 2000කට අධික බවද අධ්‍යාපන අමාත්‍යාංශය වැඩිදුරටත් සඳහන් කළා. 

(colombotimes.lk)