ඉදිරි වසර 05 තුළ ජපානය සහ ඉන්දියාව අතර ලක්ෂ 5කට අධික වෘත්තිකයන් පිරිසක් හුවමාරු කර ගැනීමට එකඟ වී තිබෙනවා. 

විදෙස් මාධ්‍ය වාර්තා කළේ ඒ පිළිබඳ ජපාන අගමැති ඉෂිබා ෂිගේරු සහ ඉන්දීය අගමැති නරේන්ද්‍ර මෝදි එකඟතාවලට පැමිණී බවයි. 

සංචාරක, අධ්‍යාපන සහ ශ්‍රම බලකා ආදී ක්ෂේත්‍රයන් යටතේ එම ශ්‍රමිකයන් හුවමාරු කර ගැනීමට සැලසුම් කර තිබෙනවා. 

විදෙස් මාධ්‍ය වැඩිදුරටත් සඳහන් කළේ එළඹෙන සිකුරාදා (29) ඔවුන් දෙදෙනා අතර සිදුවන හමුව අතරතුර මෙම ගිවිසුමට අත්සන් තබන බවයි.  

දෙරට අතර කෘතිම බුද්ධිය සහ දියුණු වෛද්‍ය පර්යේෂණ ආදි ක්ෂේත්‍රයන්හී සබඳතා ඇතිකර ගැනීමද එම හමුවේ අරමුණක් වී තිබෙනවා. 

(colombotimes.lk)