පසුගියදා ඉන්දුනීසියාවේදී අත්අඩංගුවටගත් සංවිධානාත්මක අපරාධ කල්ලි සාමාජික බැකෝ සමන්ගේ බිරිඳ සහ දරුවා එරටින් පිටුවහල් කිරීමෙන් පසු ඊයේ (29) පස්වරුවේ කටුනායක ගුවන්තොටුපළ වෙත පැමිණ තිබෙනවා.

එහිදී අපරාධ පරීක්ෂණ දෙපාර්තමේන්තුවේ ගුවන්තොටුපොළ ඒකකය මඟින් ඔවුන්ව සිය භාරයට ගෙන ප්‍රකාශ ලබාගැනීමෙන් පසු වැඩිදුර විමර්ශන සඳහා කොළඹ අපරාධ පරීක්ෂණ දෙපාර්තමේන්තුවේ මූලස්ථානයට භාරදී තිබෙන බවයි වාර්තා වන්නේ. 

ඉන්දුනීසියාවේ ජකර්තා නුවර සිට පැමිණි UL -365 දරන ගුවන් යානයෙන් ඊයේ (29) පස්වරු 5.50ට පමණ ඔවුන් දිවයිනට පැමිණ තිබෙනවා. 

(colombotimes.lk)