අඛණ්ඩව මාස 11ක් පැවති අවධමන තත්ත්වයෙන් අනතුරුව කොළඹ පාරිභෝගික මිල දර්ශකය ධන අගයකට පත්ව ඇති බව ශ්‍රී ලංකා මහ බැංකුව පවසනවා. 

නිවේදනයක් නිකුත් කරමින් ශ්‍රී ලංකා මහ බැංකුව සඳහන් කළේ කොළඹ පාරිභෝගික මිල දර්ශකය මඟින් මනිනු ලබන මතුපිට උද්ධමනය 2025 ජූලි මාසයේ පැවති 0.3%ක අවධමනයට සාපේක්ෂව 2025 අගොස්තු මාසයේදී 1.2%ක ධන අගයක් වාර්තා කළ බවයි. 

මේ අතර ආහාර කාණ්ඩයෙහි උද්ධමනය 2025 ජූලි මාසයේදී වාර්තා වූ 1.5%හී සිට අගෝස්තු මාසයේදී 2.0%ක් දක්වා ඉහළ ගොස් තිබෙන බවද ශ්‍රී ලංකා මහ බැංකුව සඳහන් කළා. 

2024 සැප්තැම්බර් මාසයේ සිට සෘණ අගයක පැවති ආහාර නොවන කාණ්ඩයෙහි උද්ධමනයද 2025 ජූලි මාසයේදී පැවති 1.2ක අවධමනයට සාපේක්ෂව 2025 අගෝස්තු මාසයේදී 0.8%ක ධන අගයක්ද වාර්තා කළ බව ද ශ්‍රී ලංකා මහ බැංකුව නිකුත් කළ නිවේදනයේ වැඩිදුරටත් සඳහන් කළා.






(colombotimes.lk)