මාතලේ දිස්ත්‍රික්කයේ ඇල්කඩුව වතුකරයේ රත්වත්තේ වතුයායේ දිළිඳු පවුලකට වතු සහකාර කළමනාකාරවරයා විසින් සිදු කරනු ලබන අකටයුතුකම් පිළිබඳව සොයා බැලීම සඳහා අමාත්‍ය තොණ්ඩමන් එම ප්‍රදේශයට ගිය අවස්ථාවේදීයි මෙම සිද්ධිය සිදුව ඇත්තේ. 

 

රජයට අයත් වතුයායේ සහකාර කළමනාකරු තම නිවස බලහත්කාරයෙන් කඩා දමමින් දිළිඳු පවුලට හිරිහැර කරන අයුරු දැක්වෙන වීඩියෝ දර්ශන හුවමාරු කර තිබුණේ විපක්ෂයේ පාර්ලිමේන්තු මන්ත්‍රී මනෝ ගනේෂන් විසින්. 

 

#Mode _Slavery act of Estate Manager at #Lka gove ment owned Matale district Elkaduwa Plantations, Ratwatta Estate lower division. Short-while ago, I called Plantation minister #RameshPathirana, yelled at him; ' Sack the Fellow, We are at the end of our patience'. #ManoGanesan… pic.twitter.com/mGOrYDkNqK

— Mano Ganesan (@ManoGanesan) August 19, 2023

 

එම වීඩියෝව හුවමාරු කරමින් පාර්ලිමේන්තු මන්ත්‍රී මනෝ ගනේෂන් ප්‍රකාශ කළේ තමන් මේ සම්බන්ධයෙන් වතුකරයේ අමාත්‍යවරයා දැනුවත් කළ බවත් සිද්ධිය සම්බන්ධයෙන් වතු සහකාර කළමනාකාරවරයා සේවයෙන් පහ කරන ලෙස ඉල්ලා සිටින බවයි. 

 

ඊයේ එම වතුයායේ සංචාරයක නිරත වෙමින් සිටි අමාත්‍ය ජීවන් තොණ්ඩමන් මහතා සහ වතු නිලධාරියෙකු සිද්ධිය සම්බන්ධයෙන් සොයා බැලීමේදී උණුසුම් වචන හුවමාරුවක නිරත වූ අතර එම වීඩියෝව සමාජ මාධ්‍ය ජාලා ඔස්සේ ප්‍රචාරය වුණා. 

 

මේ සම්බන්ධයෙන් පැහැදිලි කිරීමක් කරමින් අමාත්‍ය තොණ්ඩමන් කියා සිටියේ මාතලේ දිස්ත්‍රික්කයේ ඇල්කඩුව වතුකරයේ රත්වත්තේ වත්තට සහකාර කළමනාකරුවෙකු විසින් දිළිඳු පවුලකට හිරිහැර කරන ආකාරය පිළිබඳ දුක්ඛිත වීඩියෝවක් අනාවරණය වීමත් සමඟ තමන් ඊයේ එහි ගිය බවයි.
(colombotimes.lk)