ජාතික ගමනාගමන කොමිෂන් සභාවට නව සභාපතිවරයෙක් සහ අධ්‍යක්ෂ මණ්ඩලයක් පත්කර තිබෙනවා.

කැබිනට් ප්‍රකාශක අමාත්‍ය විජිත හේරත් සඳහන් කළේ ඊයේ (21) අමාත්‍ය මණ්ඩලය විසින් මෙම පත්වීම් අනුමත කළ බවයි.

ඒ අනුව ජාතික ගමනාගමන කොමිෂන් සභාවේ නව සභාපතිවරයා ලෙස ශ්‍රී ලංකා විවෘත විශ්වවිද්‍යාලයේ ජ්‍යෙෂ්ඨ කථිකාචාර්යවරයෙක් වන ආචාර්ය බන්දුර දිලීප විතාරණ මහතා පත්කර තිබෙනවා.

ශ්‍රී ජයවර්ධනපුර විශ්වවිද්‍යාලයේ ජ්‍යෙෂ්ඨ කථිකාචාර්ය ඩබ්ලිව්. රවී ප්‍රසාද් ද මෙල් මහතා, ශ්‍රීමත් ජෙනරාල් ජෝන් කොතලාවල ආරක්ෂක විශ්වවිද්‍යාලයේ ජ්‍යෙෂ්ඨ කථිකාචාර්ය ආචාර්ය නාමලි තරංගා සිරිසෝම හා දේශීය ආදායම් දෙපාර්තමේන්තුවේ කොමසාරිස් ඒ. අයි. යූ. පෙරේරා මහතා පත් වූ අනෙකුත් සාමාජිකයන් වනවා.

(colombotimes.lk)