30 August 2025

logo

මත්ද්‍රව්‍ය චෝදනාවලට අත්අඩංගුවට ගත් පුද්ගලයන් ගණන හෙළිකරයි



වසරේ ගතවූ කාලය තුළ ක්‍රියාත්මක කළ විශේෂ මෙහෙයුම යටතේ මත්ද්‍රව්‍ය චෝදනා සම්බන්ධයෙන් පුද්ගලයන් 142,027දෙනෙක් අත්අඩංගුවට ගෙන තිබෙන බව මහජන ආරක්ෂක අමාත්‍යාංශය පවසනවා. 

එම අමාත්‍යාංශය සඳහන් කළේ මෙම මෙහෙයුම යටතේ ජනවාරි 01වනදා සිට අගෝස්තු 25වනදා දක්වා කාලය තුළ හෙරොයින් සම්බන්ධයෙන් 43,564දෙනෙක්, අයිස් සම්බන්ධයෙන් 51,950දෙනෙක් සහ ගංජා සම්බන්ධයෙන් පුද්ගලයන් 46,513දෙනෙක් එලෙස අත්අඩංගුවට ගෙන ඇති බවයි.

එමෙන්ම අදාල කාලසීමාව තුළ හෙරොයින් කිලෝග්‍රෑම් 941ක් අයිස් මත්ද්‍රව්‍ය කිලෝග්‍රෑම් 1413ක් සහ ගංජා කිලෝග්‍රැම් 12558ක ප‍්‍රමාණයක්ද අත්අඩංගුවට ගෙන තිබෙනවා. 

පොලීසිය, පොලිස් විශේෂ කාර්ය බලකාය සහ ආරක්ෂක අංශ එක්ව මෙම විශේෂ මෙහෙයුම ක්‍රියාත්මක කරන බවයි වාර්තා වන්නේ. 

(colombotimes.lk)