රියදුරු බලපත්‍ර මුද්‍රණය කිරීමේ මෘදුකාංගය නඩත්තුව සඳහා ලබාදුන් කොන්ත්‍රාත්තුව රුපියල් මිලියන 156කින් අඩුකර ගැනීමට හැකි වූ බව ප්‍රවාහන මහාමාර්ග වරාය හා සිවිල් ගුවන්සේවා අමාත්‍යාංශය පවසනවා. 

නියෝජ්‍ය අමාත්‍ය රුවන් කොඩිතුවක්කු සඳහන් කළේ වසර 13ක් තිස්සේ ඒ සඳහා වන කොන්ත්‍රාත්තුව ලබාදී ඇත්තේ වසරකට රුපියල් මිලියන 184කට බවයි.

කෙසේවෙතත් විධිමත් ටෙන්ඩර් ක්‍රියාවලියක් අනුගමනය කරමින් එම කොන්ත්‍රාත්තුව රුපියල් මිලියන 28කට ලබාදුන් බව නියෝජ්‍ය අමාත්‍යවරයා සඳහන් කළා. 

ඔහු වැඩිදුරටත් කියා සිටියේ රියදුරු හැඳුනුම්පත් කාඩ්පත් සඳහා වන ටෙන්ඩරය ද අඩු මුදලකට ලබාදීමට පියවර ගත් බවයි.

එමෙන්ම රියදුරු හැඳුනුම්පත් කාඩ්පත් ලක්ෂ 8ක් මේ වන විට ඇණවුම් කර ඇති බවද අමාත්‍යවරය සඳහන් කළා. 

(colombotimes.lk)