දේශපාලන පත්වීම් හේතුවෙන් ශ්‍රී ලංකා ගමනාගමන මණ්ඩලයේ (SLTB) බස් රථ රියදුරන් 333දෙනෙක් පීඩාවට පත්වී තිබෙනවා.

ප්‍රවාහන නියෝජ්‍ය අමාත්‍ය ප්‍රසන්න කුමාර ගුණසේන සඳහන් කළේ දේශපාලන මැදිහත්වීම් හේතුවෙන් ශ්‍රී ලංකා ගමනාගමන මණ්ඩලයේ රියදුරන් සහ කොන්දොස්තරවරුන් විවිධ අදාළ නොවන රාජකාරි සඳහා අනුයුක්ත කර ඇති බවයි.

ඒ අනුව මීට පෙර විවිධ රාජකාරිවල නිරත වූ රියදුරන් සහ කොන්දොස්තරවරුන් නැවත අනුයුක්ත කිරීමට ශ්‍රී ලංකා ගමනාගමන මණ්ඩලය තීරණය කර ඇති බව ඔහු කියා සිටියා.

මෙම තීරණය අද (25) සිට ක්‍රියාත්මක වන බව ප්‍රවාහන නියෝජ්‍ය අමාත්‍යවරයා වැඩිදුරටත් සඳහන් කළා.