ලොව ප්‍රකට විලාසිතා ජාලයක නිර්මාතෘ ප්‍රකෝටිපතියෙක් වන 'Isak Andic' හදිසි අනතුරකින් මියගොස් තිබෙනවා.

විදෙස් මාධ්‍ය වාර්තා කළේ පවුලේ සමාජිකයන් සමඟ ස්පාඤ්ඤයේ බාසිලෝනාහි කඳුකර ප්‍රදේශයක ගුහා ගවේෂණයක නිරත වන අවස්ථාවේ මිටියාවතකට ඇද වැටීමෙන් ඔහු මියගොස් ඇති බවයි.

මිය යන විට ඔහු 71 වන වියෙහි පසුවුණා.

තුර්කියේ උපන් ඔහු 1984දී බාර්සිලෝනාහිදී සිය සොහොයුරා සමඟ එක්ව Mango විලාසිතා ව්‍යාපාරය ආරම්භ කර තිබෙනවා.

එය මේ වන විට ලොව රටවල් 120ක් පුරා ව්‍යාප්තවී තිබෙන බවයි වාර්තා වන්නේ.

ඒ අලෙවි සැල් 3000ක්ද සමඟයි.

ඔහුගේ මෙම හදිසි මියයාම සම්බන්ධයෙන් ස්පාඤ්ඤ අග්‍රාමාත්‍යවරයාද සිය ශෝකය පළ කර තිබෙනවා.

(colombotimes.lk)