මෙරට පැමිණ සිටින චීන මහජන  සමූහාණ්ඩුවේ වාණිජ කටයුතු පිළිබඳ අමාත්‍ය Wang Wentao අද (29) ජනාධිපති අනුර කුමාර දිසානායක හමු වී තිබෙනවා.

ඒ ජනාධිපති කාර්යාලයේදීයි.

මේ වන විට ශ්‍රී ලංකාව තුළ පවතින දේශපාලන සහ අර්ථික ස්ථාවරත්වය සහ ජනාධිපතිවරයා ප්‍රමුඛ රජය ගෙන යන විනිවිදභාවයෙන් යුත් වැඩපිළිවෙළ හමුවේ චීන ආයෝජකයන් ශ්‍රී ලංකාවේ ආයෝජන කිරීමට වැඩි කැමැත්තක් දක්වන බව එහිදී සඳහන් කළා.

එමෙන්ම ආයෝජකයන් 100කට වැඩි පිරිසක් සමඟ සිදු කෙරෙන මෙම සංචාරය තුළින් දෙරට අතර ආර්ථික සහයෝගීතාව තවදුරටත් තහවුරු වන බවද ඔහු සඳහන් කර තිබෙනවා.