නීති විරෝධී ලෙස මෙරටට රැගෙන එන ලද රන් භාණ්ඩ සමඟ සැකකරුවෙක් කටුනායක ගුවන්තොටුපොළේදී අත්අඩංගුවට ගෙන තිබෙනවා.

සැකකරු අබුඩාබි සිට මෙරටට පැමිණ තිබෙන බවයි වාර්තා වන්නේ.

බුද්ධි අංශ නිලධාරීන්ගෙන් ලද තොරතුරක් මත ගුවන්තොටුපොළ පොලීසිය විසින් ඊයේ (04) රාත්‍රීයේ එම සැකකරුව අත්අඩංගුවට ගෙන තිබෙනවා.

සැකකරු අත්අඩංගුවට ගන්නා අවස්ථාවේදී ඔහු සන්තකයේ තිබී රන් මාල 04ක්, පෙන්ඩන්ට් 01ක්, අත් පලඳනා 02ක්, රන් වළලු 01ක් සහ රන් මුදුවක් පොලිස් භාරයට ගෙන තිබෙන බවයි වාර්තා වන්නේ.

අත්අඩංගුවට ගත් සැකකරු වයස අවුරුදු 25ක් වන වෙලම්බොඩ ප්‍රදේශයේ පදිංචිකරුවෙක්.

(colombotimes.lk)