සාම සැලැස්මක් සඳහා ඇමරිකානු ජනපති ඩොනල්ඩ් ට්‍රම්ප් සහ යුක්‍රේන ජනපති ව්ලොඩිමියර් සෙලෙන්ස්කි හමුවට පැය කිහිපයකට පෙර රුසියාවෙන් යුක්‍රේනයට ප්‍රහාර මාලාවක් එල්ලවී තිබෙනවා.

ඒ ඩ්‍රෝන යානා 500කට වැඩි ප්‍රමාණයක් සහ මිසයිල යානා 40කට වැඩි පමාණයක් යොදා ගනිමින්.

විදෙස් මාධ්‍ය වාර්තා කළේ ප්‍රධාන වශයෙන් යුක්‍රේනයේ කියෙව් අගනුවර සහ බලශක්ති පද්ධති ඉලක්ක කර ගනිමින් එම ප්‍රහාර එල්ල වී ඇති බවයි.

මෙම ප්‍රහාර හමුවේ ලක්ෂ 5කට වැඩි පිරිසකට විදුලිය විසන්ධි වී ඇති බවයි වැඩිදුරටත් වාර්තා වන්නේ.

(colombotimes.lk)