ඉන්දීය නාවික හමුදාවට අයත් අයි. එන්. එස්. සයාද්‍රි යුද නෞකාව තෙදින නිල සංචාරයක් සඳහා ඊයේ (04) කොළඹ වරායට පැමිණ තිබෙනවා.

එම නෞකාව දිගින් මීටර් 143ක් සහ නැව් මුළුව 320කගෙන් සමන්විත බවයි වාර්තා වන්නේ.

නාවික හමුදා මාධ්‍ය අංශය සඳහන් කළේ දෙරටේ නාවික හමුදාවන්ගේ සුහදත්වය වර්ධනය කිරීම වෙනුවෙන් සංවිධාන කරන විවිධ වැඩසටහන් සඳහා සහ දිවයිනේ ආකර්ෂණීය සංචාරක ස්ථාන නැරඹීම සඳහා මෙම නෞකාවේ නැව් මුලුව සහභාගි වීමට නියමිත බවයි.

තෙදින නිල සංචාරය අවසන් කරමින් මෙම යුද නෞකාව අනිද්දා (06) දිවයිනෙන් පිටත් වීමට නියමිතව තිබෙනවා.

(colombotimes.lk)