තෙදින නිල සංචාරයක් සඳහා පැමිණි ඉන්දීය අග්‍රාමාත්‍ය නරේන්ද්‍ර මෝදි මෙරට දමිළ පක්ෂ නායකයන් හමුවී තිබෙනවා.

එහිදී ඉන්දීය අග්‍රාමාත්‍යවරයා විසින් ආර් සම්බන්ධන් සහ මාවයි සේනාධිරාජාගේ අභාවය පිළිබඳව සිය ශෝකයද පළ කර තිබෙන බවයි වාර්තා වන්නේ.

ඉන්දීය අග්‍රාමාත්‍යවරයා සිය X ගිණුම හරහා මේ සම්බන්ධව පණිවිඩයක් නිකුත් කරමින් සඳහන් කළේ එක්සත් ශ්‍රී ලංකාවක් තුළ දමිළ ප්‍රජාවට සමානාත්මතාවය, අභිමානය සහ යුක්තිය හිමි ජීවිතයක් වෙනුවෙන් අචල කැපවීම අවධාරණය කළ බවයි.

එමෙන්ම තමාගේ සංචාරය අතරතුර දියත් කරන ලද ව්‍යාපෘතීන් සහ මුලපිරීම් රැසක් ඔවුන්ගේ සමාජීය, ආර්ථික සහ සංස්කෘතික ප්‍රගතියට දායකත්වය ලබාදෙන බවත් ඉන්දීය අගමැතිවරයා සිය පණිවිඩයෙහි සඳහන් කර තිබෙනවා.


(colombotimes.lk)