ජනාධිපති අනුර කුමාර දිසානායකගේ ආරාධනයකට අනුව මෙරටට පැමිණි ඉන්දීය අග්‍රාමාත්‍ය නරේන්ද්‍ර මෝදි අද (05) පෙරවරුවේ ජනාධිපති කාර්යාලයට පැමිණ තිබෙනවා.

එහිදී ජනාධිපති අනුර කුමාර දිසානායක විසින් ඉතා උණුසුම් අයුරින් ඉන්දීය අග්‍රාමාත්‍යවරයාව පිළිගෙන ඇති බවයි වාර්තා වන්නේ.

ශ්‍රී ලංකාව සහ ඉන්දියාව අතර 'සියවස් මිතුදමක සෞභාග්‍යමත් අනාගතයකට' යන සංකල්පය තහවුරු කරමින් ඉන්දීය අග්‍රාමාත්‍යවරයා මෙම රාජ්‍ය සංචාරයේ නිරත වනවා.

ඉන්දීය අග්‍රාමාත්‍ය නරේන්ද්‍ර මෝදි අනිද්දා (06) දිවයිනෙන් පිටත්ව යාමට නියමිතයි.

(colombotimes.lk)