රාජ්‍ය අංශයේ ඩිජිටල් ගෙවීම් පහසුකම් පුළුල් කිරීමේ අරමුණින්, මහජන බැංකුව විසින් කෘෂිකර්ම දෙපාර්තමේන්තුව වෙත ලබාදෙන ප්‍රථම POS යන්ත්‍ර 16ක තොගය නිල වශයෙන් කෘෂිකර්ම අධ්‍යක්ෂ ජනරාල්වරයා වෙත භාරදී තිබෙනවා.

​මහජන බැංකුවේ පේරාදෙණිය ශාඛාව විසින් සම්බන්ධීකරණය කරන ලද මෙම ව්‍යාපෘතිය යටතේ, දිවයින පුරා සිටින දෙපාර්තමේන්තු කාර්ය මණ්ඩලය දැනුවත් කිරීම සඳහා විශේෂ මාර්ගගත වැඩමුළුවක් ද පවත්වා තිබෙන බවයි වාර්තා වන්නේ.

​මෙම පියවර මඟින් මහජන බැංකුව වෙත නව ව්‍යාපාරික අවස්ථාවක් උදාවන අතරම, කෘෂිකර්ම දෙපාර්තමේන්තුවේ සේවාවන් ඩිජිටල්කරණය කරමින් වඩාත් කාර්යක්ෂම ගෙවීම් පද්ධතියක් ගොඩනැඟීමට ද මඟ විවර වනවා.

(colombotimes.lk)