අගමැති මෝදි සිය ඉල්ලා අස්වීම ජනපතිට භාරදෙයි



අගමැති නරේන්ද්‍ර මෝදි බදාදා(05) අග්‍රාමාත්‍ය ධුරයෙන් ඉල්ලා අස්වීමේ ලිපිය අමාත්‍ය මණ්ඩලය සමඟ ජනාධිපති ද්‍රෞපදි මුර්මු වෙත භාර දී තිබෙනවා.

ජනාධිපතිවරයා ඉල්ලා අස්වීම පිළිගෙන ඇති අතර නව රජය බලයට පත් වන තුරු දිගටම කටයුතු කරන ලෙස ශ්‍රී නරේන්ද්‍ර මෝදි සහ අමාත්‍ය මණ්ඩලයෙන් ඉල්ලා සිටි බවයි මාධ්‍ය නිවේදනයක දැක්වෙන්නේ.

ඒ අනුව නරේන්ද්‍ර මෝදි ජුනි 8 සවස අඛණ්ඩව තෙවැනි වරටත් අග්‍රාමාත්‍යවරයා ලෙස දිවුරුම් දීමට නියමිතයි.
(colombotimes.lk)