දරුවන්ට තිබෙන අක්ෂි රෝග සම්බන්ධයෙන් මවුපිය වැඩිහිටියන් සහ පාසල් ගුරුවරුන් විමසිලිමත් විය යුතු බවත් කිසියම් දරුවකු යම් අක්ෂි රෝගයකින් පෙළෙන්නේ නම් වහාම ප්‍රතිකාරවලට යොමු කළ යුතු බවයි ඒ මහතා ප්‍රකාශ කළේ. 

 

ලෝක දෘෂ්ටි දිනය නිමිත්තෙන් ජාතික අක්ෂි රෝහලේ පැවැති මාධ්‍ය හමුවට සහභාගි වෙමින් ඒ මහතා මේ බව ඊයේ (12) පැවසුවා. 

 

ඉතා ළඟ සිට රූපවාහිනිය නැරඹීම, ඇසට ඉතා ළං කර පොත්පත් කියැවීම, හිසරදය, නිතර ඇස් පොඩි කිරීම, අසාමාන්‍ය ලෙස හිස හරවා බැලීම යනාදී රෝග ලක්ෂණවලින් දරුවන් පෙළෙන්නේ නම් ඔවුන්ට අවශ්‍ය ප්‍රතිකාර සඳහා යොමු කළ යුතු බව ද ඒ මහතා ප්‍රකාශ කළා. 

 

මේ අතර දියවැඩියා රෝගය නිසා ඇති වූ දුර්වලතාවක් නිසා හෝ ග්ලෝකෝමා රෝගයේ බලපෑම නිසා දුර නොපෙනීමේ රෝගී තත්ත්වයට පත්විය හැකි බවද ඔහු සඳහන් කළා. 

 

දුර නොපෙනීමේ රෝගය අවිදුර දෘෂ්ටිකත්වය ලෙස හඳුන්වන අතර අවිදුර දෘෂ්ටිකත්වයෙන් පෙළෙන දරුවන්ට බ්‍රේල් අකුරු පුවරුව හුරු කිරීම නොකළ යුතු බව අක්ෂි වෛද්‍යවරු පවසනවා. 

 

ලෝකයේ මිලියන 128ක් පමණ අවිදුර දෘෂ්ටිකත්වයට (Low vision) පත්ව සිටින බවයි වාර්තා වන්නේ.
(colombotimes.lk)