නාවික හමුදාව විසින් මත්පෙති 35,470ක තොගයක් අත්අඩංගුවට ගෙන තිබෙනවා.

ඒ පුත්තලම, සේරක්කුලිය වෙරළ ප්‍රදේශයේ ලදු කැලෑවක් තුළ සඟවා තිබියදීයි.

නාවික හමුදා නිලධාරීන් විසින් ලදු කැලෑව තුළ තිබූ සැක කටයුතු බහාලුම් දෙකක් නිරීක්ෂණය කර පරීක්ෂාවට ලක්කර තිබෙනවා.

ඉන් අනතුරුව එහි බහාලුම් තුළ අසුරන ලද නීති විරෝධී ලෙස රැගෙන ආ බවට සැක කෙරෙන මත්පෙති තොගය සොයාගෙන ඇති බවයි වාර්තා වන්නේ.

ඉදිරි නීතිමය කටයුතු සිදු කරන තෙක් මත්පෙති තොගය නාවික හමුදා භාරයේ තබා ගැනීමට ඔවුන් කටයුතු කර තිබෙනවා.

(colombotimes.lk)