අපරාධ රැසකට සම්බන්ධ සැකකරුවන් තිදෙනෙක් අත්අඩංගුවට ගෙන වැඩිදුර විමර්ශන සඳහා රැඳවුම් නියෝග ලබාගෙන තිබෙනවා.
 
පොලීසිය සඳහන් කළේ සැකකරුවන් සම්බන්ධයෙන් සිදුකළ විමර්ශනවලදී ඔවුන් හංවැල්ල, මීගොඩ, හෝමාගම, අතුරුගිරිය සහ කොට්ටාව යන ප්‍රදේශවල සිදු කළ සොරකම් රැසක් සම්බන්ධයෙන් තොරතුරු අනාවරණය වී ඇති බවයි.

සැකකරුවන් යතුරුපැදියෙන් ගොස් එම ප්‍රදේශවල රන්මාල කොල්ලකෑමේ සිද්ධීන් 9ක් සහ යතුරුපැදි සොරකම් රැසක් සිදුකර ඇති බවට අනාවරණ වී තිබෙනවා.

පොලීසිය සඳහන් කළේ සැකකරුවන් සොරකම් කරන ලද රන්මාල 02ක්, පෙන්ඩනයක්, උණුකර තිබූ රන්කැබලි 09ක් අපරාධ සඳහා යොදාගත් යතුරුපැදි 02ක් සොයාගත් බවයි.
 
අත්අඩංගුවට ගත් සැකකරුවන් වයස අවුරුදු 27,28 හා 35 යන වයස්වල පසුවන තුම්මෝදර ප්‍රදේශයේ පදිංචිකරුවන් තිදෙනෙක් බවයි වාර්තා වන්නේ.

(colombotimes.lk)