සූර්යයා දෘශ්‍ය ලෙස දකුණට ගමන් කිරීමේදී අගෝස්තු 28 සිට සැප්තැම්බර් 07දක්වා ශ්‍රී ලංකාව ආසන්න අක්ෂාංශවලට සෘජුවම ඉහළින් පිහිටන බව කාලගුණ විද්‍යා දෙපාර්තමේන්තුව පවසනවා.

ඒ අනුව අද (29) දහවල් 12.11ට කුමුලමුනෙයි, පඩිනද්දම්පොරේ, ආලන්කුලම්, තන්නියුට්ටු, වෙට්ටප්පලෙයි සහ මුලතිව් යන ප්‍රදේශවලට හිරු මුදුන් වූ බවයි වාර්තා වන්නේ. 

සෞඛ්‍ය අංශ ජනතාවගෙන් ඉල්ලා සිටින්නේ එම කාලසීමාවේදී හොඳින් ජලය පානය කරන ලෙසයි.  

එමෙන්ම එළිමහන් ක්‍රියාකාරකම්වල යෙදීමෙන් වළකින ලෙසත්, අත්‍යාවශ්‍ය කටයුතුවලට පමණක් නිවසින් පිටවන ලෙසත් ජනතාවගෙන් ඉල්ලා සිටිනවා.

(colombotimes.lk)