ශ්‍රී ලංකා මහ බැංකුව සිය 75වන සංවත්සර සැමරුම නිමිත්තෙන් නිකුත් කළ රුපියල් 2,000 නව සමරු නෝට්ටුව මහ බැංකු අධිපති ආචාර්ය නන්දලාල් වීරසිංහ  විසින් අද (29) ජනාධිපති අනුර කුමාර දිසානායක වෙත පිළිගන්වා තිබෙනවා.

ඒ ජනාධිපති කාර්යාලයේදීයි.   

සංසරණය සඳහා යොදන සමරු මුදල් නෝට්ටුවක් ලෙස මෙය නිකුත් කර තිබෙනවා.

එමෙන්ම මෙම මුදල් නෝට්ටුව ශ්‍රී ලංකා මහ බැංකුව විසින් නිකුත් කරන ලද 5වන සමරු මුදල් නෝට්ටුව බවයි වාර්තා වන්නේ. 

ජාතික සංවර්ධනය සඳහා පදනම ලෙස ආර්ථික ස්ථාවරත්වය වර්ධනය කිරීම වෙනුවෙන් මහ බැංකුවේ නොනවතින කැපවීම පිළිබිඹු කරමින් 'සමෘද්ධිය සඳහා ස්ථාවරත්වය' යන සංවත්සර තේමාවට අනුව මෙම මුදල් නෝට්ටුව නිකුත් කර තිබෙනවා. 

ජනාධිපති ලේකම් ආචාර්ය නන්දික සනත් කුමානායක, ශ්‍රී ලංකා මහ බැංකුවේ ජ්‍යෙෂ්ඨ නියෝජ්‍ය අධිපති කේ. එම්. ඒ. එන්. දවුලගල, සහකාර අධිපති කේ. ජී. පී. සිරිකුමාර, ව්‍යවහාර මුදල් දෙපාර්තමේන්තුවේ අධිපති පී. ඩී. ආර්. දයානන්ද යන පුද්ගලයන් මෙම අවස්ථාවට එක්ව තිබෙන බවයි වාර්තා වන්නේ. 

(colombotimes.lk)