මෙවර අධ්‍යයන පොදු සහතික පත්‍ර උසස් පෙළ විභාගය අද (25) ආරම්භ වනවා.

ඒ අනුව අද (25) සිට දෙසැම්බර් 20 වනදා දක්වා විභාගය පැවැත්වීමට නියමිතයි.

මෙවර උසස් පෙළ විභාගය සඳහා අපේක්ෂකයන් 333,185ක් පෙනී සිටිනවා.

ඒ අතරට පාසල් අයදුම්කරුවන් 253,390ක් සහ පෞද්ගලික අයදුම්කරුවන් 79 795ක් ඇතුළත්.

දිවයින පුරා විභාග මධ්‍යස්ථාන 2312ක් ස්ථාපිත කර තිබෙනවා.

විභාග කොමසාරිස් ජනරාල් අමිත් ජයසුන්දර විභාග අපේක්ෂකයන්ට දැනුම්දී ඇත්තේ උදෑසන 8.30ට විභාගය ආරම්භවීමට නියමිත බැවින් ඊට ප්‍රථම වලංගු හැඳුනුම්පතක්ද රැගෙන විභාග මධ්‍යස්ථාන වෙත යන ලෙසයි.

(colombotimes.lk)