2024 අ.පො.ස උසස් පෙළ විභාගය හෙට (25) සිට ආරම්භ කිරීමට සියලු කටයුතු සූදානම් කර ඇති බව ශ්‍රී ලංකා විභාග දෙපාර්තමේන්තුව පවසනවා.

ශ්‍රී ලංකා විභාග දෙපාර්තමේන්තුව සඳහන් කළේ මෙවර උසස් පෙළ විභාගය මධ්‍යස්ථාන 2,312කදී පැවැත්වෙන බවයි.

එමෙන්ම හෙට (25) ආරම්භ වන විභාගය දෙසැම්බර් 20 වනදා දක්වා පැවැත්වෙන අතර සිසුන් 333,183ක් මෙවර විභාගයට පෙනී සිටිනවා.  

විභාග කොමසාරිස් ජනරාල්වරයා සඳහන් කළේ උසස් පෙළ විභාග මධ්‍යස්ථාන තුළ ජංගම දුරකථන භාවිතය සඳහා අවසර හිමිවන්නේ විභාග ශාලාධිපතිවරුන්ට පමණක් වන අතර සහකාර ශාලාධිපතිවරුන්ට හෝ කාර්ය මණ්ඩලයට මෙවර ජංගම දුරකථන භාවිතයට අවසර හිමි නොවන බවයි.

(colombotimes.lk)