මෙවර රජය වී මිලදී ගැනීමේ ක්‍රියාවලියේදී සහතික කරන මිලට රජයේ ගබඩාවලට සැලකිය යුතු වී ප්‍රමාණයක් ලබාදෙන බවට ගොවි නායකයන් එකඟතාවය පළ කළ බව කෘෂිකර්ම සහ පශු සම්පත් නියෝජ්‍ය අමාත්‍ය නාමල් කරුණාරත්න ප්‍රකාශ කළා.

ඔහු කියා සිටියේ වී කිලෝ එකක නිෂ්පාදන වියදමට තුනෙන් එකක් එකතු කර ගොවීන්ට සාධාරණ වී මිලක් ලබාදෙන බවයි.

ගොවියා අදාළ තෙත බව ඉවත් කර ගබඩාවට ගෙනන වී කිලෝ එකකට අමතරව රුපියල් දෙකක මුදලක් ගෙවන බවද ඔහු වැඩිදුරටත් සඳහන් කළා.