මීගමුව මුන්නක්කරෙයි කලපු ප්‍රදේශයේ බෝට්ටු සවාරියක නිරත වූ බොට්ටුවක් පෙරළී දෙදෙනෙක් අතුරුදන්වී තිබෙනවා.

පොලීසිය සඳහන් කළේ එලෙස අතුරුදන්ව ඇත්තේ 50 හැවිරිදි පියා සහ 20 හැවිරිදි දියණිය බවයි.

අදාළ බෝට්ටුව පාලනය කරගත නොහැකිව තවත් බෝට්ටුවක ගැටීමෙන් මෙම අනතුර සිදු වී තිබෙනවා.

එම අවස්ථාවේ බෝට්ටුවේ මගීන් 7දෙනෙක් ගමන් කර ඇති අතර ඔවුන් සියලුදෙනා අනතුරත් සමඟ කලපුවට වැටී ඇති බවයි වාර්තා වන්නේ.

මෙම අනතුරින් පුද්ගලයන් 5දෙනෙක් දිවි බේරාගෙන තිබෙනවා.

ඔවුන් රෝහල් ගතකර ඇති අතර අතුරුදන් වූ පියා සහ දියණිය සොයා මෙහෙයුම් ක්‍රියාත්මක කර තිබෙන බවයි වාර්තා වන්නේ.

(colombotimes.lk)