මහජන බැංකුවේ බිහල්පොල සේවා මධ්‍යස්ථානය මෑතකදී වැඩිදියුණු කරන ලද නව ස්ථානයක ස්ථාපිත කර තිබෙනවා.
 
කුලියාපිටිය ශාඛාවට අනුයුක්තව ස්ථානගත කරන ලද බිහල්පොල සේවා මධ්‍යස්ථානය, බිහල්පොල ප්‍රදේශයේ ගනුදෙනුකරුවන්ට නවතම ඩිජිටල් බැංකු සේවාවක් සපයන බවයි වාර්තා වන්නේ.

එහි පැය 24 පුරාම සහ සතියේ දින 7 පුරාම මුදල් ආපසු ලබා ගැනීමට හැකි ස්වයංක්‍රීය ටෙලර් යන්ත්‍රයක් (ATM) ද තිබෙනවා.
 
මෙම විවෘත කිරීමේ උත්සවයට මහජන බැංකුවේ සහකාර සාමාන්‍යාධිකාරී (නාලිකා කළමනාකරණය) ඊ. පී. ඒ. සිසිර කුමාර, කුරුණෑගල ප්‍රාදේශීය කළමනාකරු ලාල් පීරිස්, සහකාර ප්‍රාදේශීය කළමනාකරු එච්.එම්.කේ. හේරත්, කුලියාපිටිය ශාඛා කළමනාකරු මහේෂ් ප්‍රියන්ත සහ බිහල්පොල සේවා මධ්‍යස්ථාන කළමනාකාරිනී බී. ජී. ටී. චමිලානි යන මහත්වරුන් සහ බැංකු කාර්ය මණ්ඩලය සහ ගනුදෙනුකරුවන් සහභාගී වී තිබෙන බවයි වාර්තා වන්නේ.





(colombotimes.lk)