විදේශ අමාත්‍ය විජිත හේරත්, නියෝජ්‍ය කථානායක රිස්වි සාලි සහ පාර්ලිමේන්තු මන්ත්‍රී අස්ලම් සහ මුස්ලිම් සිවිල් සමාජ ක්‍රියාකාරීන් අතර සාකච්ඡාවක් අද (30) පවත්වා තිබෙනවා.

එහිදී මුස්ලිම් ප්‍රජාවගේ දිගුකාලීන ගැටලු සහ එම ගැටලු විසඳීම සඳහා නව පරිපාලනය ගන්නා පියවර සම්බන්ධයෙන් සාකච්ඡා කර ඇති බවයි වාර්තා වන්නේ.

රජයේ ප්‍රතිපත්තිය ජාතික සමගිය මත පදනම් වී ඇති බවත් වාර්ගික බෙදීම් හෝ අන්තවාදී ක්‍රියාකාරකම් සඳහා කිසිදු ඉඩක් ලබා නොදෙන බවත් එහිදී අමාත්‍ය විජිත හේරත් සඳහන් කළා.

විදේශ කටයුතු සම්බන්ධයෙන් පරිපාලනය පලස්තීන ජනතාවගේ අයිතිවාසිකම් සඳහා රාජ්‍ය තාන්ත්‍රික සහයෝගය පවත්වා ගෙන යන බවත් එම තීරණය ස්ථාවරව පවතින බවත් ඔහු වැඩිදුරටත් කියා සිටියා.

(colombotimes.lk)