මහජන බැංකුව ගම්පහ බණ්ඩාරනායක විද්‍යාලයේ ආදි ශිෂ්‍ය සංගමය (OBA) සමඟ එක්ව නව Affinity ක්‍රෙඩිට් කාඩ්පතක් එළිදක්වා තිබෙනවා.

මෙම නව Affinity ක්‍රෙඩිට් කාඩ්පත බණ්ඩාරනායක විද්‍යාල ආදි ශිෂ්‍ය සංගමයේ සාමාජිකයන් සඳහාම නිර්මාණය කර තිබීම විශේෂත්වයක්.

මෙය ආදි ශිෂ්‍ය සංගමයේ සාමාජික ගාස්තු පියවීම ඇතුළු විවිධ අරමුණු සඳහා භාවිතා කිරීමට හැකියාව පවතිනවා.

එමෙන්ම මෙම කාඩ්පත් හිමියන්ට ආකර්ශනීය වට්ටම්, නම්‍යශීලී වාරික සැලසුම් සහ වසර පුරා විවිධ දීමනා ඇතුළු සුවිශේෂී වරප්‍රසාද රැසකට ප්‍රවේශය හිමිවනවා.

එහි නිල එළිදැක්වීමේ උත්සවය මහජන බැංකු ප්‍රධාන කාර්යාල පරිශ්‍රයේදී පැවැත්වුණා.

මෙම අවස්ථාවට මහජන බැංකුවේ ප්‍රධාන විධායක නිලධාරී/සාමාන්‍යාධිකාරී ක්ලයිව් ෆොන්සේකා මහතා, බණ්ඩාරනායක විද්‍යාලයේ විදුහල්පති සහ ආදි ශිෂ්‍ය සංගමයේ සභාපති කසුන් ගුණරත්න මහතා, කීර්තිමත් ආදි ශිෂ්‍යයෙක් වන එයාර් චීෆ් මාර්ෂල් (විශ්‍රාමික) උදේනි රාජපක්ෂ මහතා සහ ආදි ශිෂ්‍ය සංගමයේ විධායක ලේකම් සච්ත්‍ර ප්‍රභා මහතා ඇතුළු සම්භාවනීය අමුත්තන් රැසක් සහභාගී වී තිබෙනවා.

එමෙන්ම මහජන බැංකු කාඩ්පත් මධ්‍යස්ථානය නියෝජනය කරමින් ගෙවීම්, ක්‍රියාවලි කළමනාකරණය සහ තත්ත්ව සහතික කිරීමේ නියෝජ්‍ය සාමාන්‍යාධිකාරී නිල්මිණි ප්‍රේමලාල් මහත්මිය කාඩ්පත් ප්‍රධානී ජයනාත් ඩයස් මහතා කාඩ්පත් ව්‍යාපාර සහ අලෙවිකරණ කළමනාකරු අරුණ දන්තනාරායන මහතා සහ කාඩ්පත් ව්‍යාපාර සහ නිෂ්පාදන කළමනාකාරිනී චලනි සේනානායක මහත්මිය ද මෙම අවස්ථාවට සහභාගී වී තිබෙන බවයි වාර්තා වන්නේ.

ආදි ශිෂ්‍ය සංගමය නියෝජනය කරමින් ජනාධිපති ජ්‍යෙෂ්ඨ සහකාර ලේකම් දුලිප් සෝමිරත්න මහතා මයික්‍රොසොෆ්ට් ශ්‍රී ලංකාව සහ මාලදිවයින සඳහා ආදි ශිෂ්‍ය සංගමයේ සාමාජික සහ රට කළමනාකරු හර්ෂ රන්දෙණිය මහතා ගුවන්තොටුපළ සහ ගුවන් සේවා ශ්‍රී ලංකා (පුද්ගලික) සමාගමේ ගුවන්තොටුපළ කළමනාකරණ ප්‍රධානී අරුණ රාජපක්ෂ මහතා සහ තවත් නිලධාරීන් කිහිපදෙනෙක්ද සහභාගී වී තිබෙනවා.



(colombotimes.lk)