ඌව වෙල්ලස්ස විශ්ව විද්‍යාලයේ ශිෂ්‍ය සංගම් නියෝජිතයන් සහ අධ්‍යාපන, උසස් අධ්‍යාපන නියෝජ්‍ය අමාත්‍ය වෛද්‍ය මධුර සෙනවිරත්න අතර හමුවක් ඊයේ (01) පවත්වා තිබෙනවා.

ඒ ඉසුරුපාය අධ්‍යාපන අමාත්‍යාංශ පරිශ්‍රයේදීයි.

එහිදී දීර්ඝ කාලයක් අවධානයට ලක්නොවූ ඌව වෙල්ලස්ස විශ්ව විද්‍යාලයේ එක් එක් පීඨයන්ට අයත් අධ්‍යාපන සහ සුබසාධන ගැටලු නියෝජ්‍ය අමාත්‍යවරයා හමුවට ඉදිරිපත් කර තිබෙනවා.

එමෙන්ම ඒ පිළිබඳව රජයේ ඉදිරි මැදිහත්වීම සම්බන්ධයෙන් දැනුවත් කිරීම එහිදී සිදුවූ බවයි වාර්තා වන්නේ.

රාජ්‍ය විශ්ව විද්‍යාලවල සහ රජයේ උසස් අධ්‍යාපන ආයතනවල ගුණාත්මකභාවය ඉහළ නැංවීමේ අරමුණින් ශිෂ්‍ය ගැටලු ආමන්ත්‍රණය කිරීම සඳහා නියෝජ්‍ය අධ්‍යාපන අමාත්‍යවරයා විසින් පවත්වන ශිෂ්‍ය හමු මාලාවට සමගාමීව මෙම සාකච්ඡාව පවත්වා තිබෙනවා.

(colombotimes.lk)