විල්පත්තු ජාතික වනෝද්‍යානයේ එක් ඇසක් ඇති දිවියෙක්ගේ රූපයක් විපක්ෂ නායක සජිත් ප්‍රේමදාස විසින් ඉන්දීය අග්‍රාමාත්‍ය නරේන්ද්‍ර මෝදි වෙත පිරිනමා තිබෙනවා.

ඒ ඉන්දීය අග්‍රාමාත්‍යවරයා ඊයේ (05) විපක්ෂ නායකවරයා හමුවූ අවස්ථාවේදීයි.

සජිත් ප්‍රේමදාස සිය Facebook ගිණුමේ සටහනක් තබමින් සඳහන් කළේ ග්ලුකෝමා, ඇසේ සුද හෝ කම්පනය හේතුවෙන් එක් ඇසක පෙනීම අහිමි වූ මෙම අසාමාන්‍ය දිවියා වරක් විල්පත්තුව වනයේ සැරිසැරූ බවයි.

කෙසේ වෙතත් එම සත්ත්වයා මෑත වසරවලදී පෙනී නොසිටි බවත් එම සත්වයාගේ ඉරණම අවිනිශ්චිතව පවතින බවත් එම සටහනේ වැඩිදුරටත් සඳහන්.





 
(colombotimes.lk)