ගණේමුල්ල සංජීව වෙඩිතබා ඝාතනය කිරීමේ සිද්ධියේ ප්‍රධාන සැකකාරිය වන ඉෂාරා සෙව්වන්දි ඉන්දියාවට පළායාම සඳහා යොදාගත් බෝට්ටුව කොළඹ අපරාධ කොට්ඨාසය විසින් සිය භාරයට ගෙන තිබෙනවා.
 
ඒ යාපනය අරාළිතුඩුව මුහුදු තීරයේ තිබියදීයි. 

මෙම බෝට්ටුව ඉෂාරාට ඉන්දියාවට පළායාමට මඟ සැලසූ බව කියන ආනන්දන් නැමැත්තාට අයත් අශ්වබල 400ක එන්ජිමකින් යුක්ත බෝට්ටුවක් බවට අනාවරණය වී තිබෙනවා. 

කොළඹ අපරාධ කොට්ඨාසයේ සංවිධානාත්මක අපරාධ විමර්ශන ඒකකයේ ස්ථානාධිපති ප්‍රධාන පොලිස් පරීක්ෂක කපිල කාරියවසම් ප්‍රමුඛ නිලධාරීන් කණ්ඩායමක් ආනන්දන් නැමැත්තාගෙන් සිදු කළ දීර්ඝ ප්‍රශ්න කිරීමේදී මෙම බෝට්ටුව සොයාගැනීමට සමත්වී තිබෙන බවයි වාර්තා වන්නේ. 

(colombotimes.lk)