අයහපත් කාලගුණික තත්ත්වය හමුවේ මෝටර් රථ ප්‍රවාහන දෙපාර්තමේන්තුවේ රියදුරු බලපත්‍ර පරිගණක පද්ධතියේ ඇති වූ බිඳ වැටීම නිසා වේරහැර ඇතුළු ප්‍රධාන කාර්යාලවල කටයුතු හෙට (01) ක්‍රියාත්මක නොවන බව එම දෙපාර්තමේන්තුව පවසනවා. 

නිවේදනයක් නිකුත් කරමින් එම දෙපාර්තමේන්තුව සඳහන් කළේ පරිගණක පද්ධතියේ ඇති වූ බිඳ වැටීම යථා තත්ත්වයට පත් කිරීම සඳහා තාක්ෂණික අංශ කටයුතු කරමින් සිටින බවයි. 

ඒ අනුව වේරහැර ප්‍රධාන කාර්යාලය සහ මාර්ගගත (Online) දිස්ත්‍රික් කාර්යාල වන කුරුණෑගල, කළුතර, හම්බන්තොට, ගම්පහ, අනුරාධපුරය, යාපනය, මොනරාගල, මහනුවර, ගාල්ල හා අම්පාර මඟින් රියදුරු බලපත්‍ර මුද්‍රණය, නව රියදුරු බලපත්‍ර ඉල්ලුම් කිරීම, රියදුරු බලපත්‍ර අලුත්කිරීම ඇතුළු මාර්ගගත සේවාවන් සැපයීමට නොහැකි බව දැනුම්දී තිබෙනවා. 

(colombotimes.lk)