දිවයින පුරා පැවති අයහපත් කාලගුණය හමුවේ අද (30) සවස ධාවනය වන දුම්රිය සඳහා දුම්රිය දෙපාර්තමේන්තුව විසින් විශේෂ සැලැස්මක් ප්‍රකාශයට පත් කර තිබෙනවා.

දුම්රිය දෙපාර්තමේන්තුව සඳහන් කළේ මුහුදුබඩ මාර්ගය මරදාන සහ ගාල්ල, කළුතර, අළුත්ගම අතර දුම්රිය 5ක් ධාවනයට සැලසුම් කර ඇති අතර පුත්තලම මාර්ගයේ දුම්රිය 2ක් ධාවනය වන බවයි. 

එමෙන්ම කැළණිවැලි මාර්ගයේ එක් දුම්රියක් ධාවනය කිරීමට නියමිතව තිබෙනවා.

දුම්රිය දෙපාර්තමේන්තුව විසින් නිකුත් කළ කාලසටහන පහතින්,  

මුහුදුබඩ දුම්රිය මාර්ගය

1. මරදාන - ගාල්ල දක්වා ප.ව.05.25 - මන්දගාමී

2. මරදාන -අළුත්ගම දක්වා පෙ.ව.06.25 - මන්දගාමී

3. මරදාන -අළුත්ගම දක්වා රාත්‍රී.07.45 - මන්දගාමී

4. මරදාන -දකුණු කලුතර දක්වා රාත්‍රී.08.35 - මන්දගාමී

5. මරදාන -අළුත්ගම දක්වා රාත්‍රී.09.30 - මන්දගාමී


පුත්තලම දුම්රිය මාර්ගය

1. කොළඹ කොටුව - මීගමුව දක්වා ප.ව.03.40 - මන්දගාමී

2. මීගමුව - කොළඹ කොටුව දක්වා ප.ව.06.40 - මන්දගාමී


කැලණිවැලි දුම්රිය මාර්ගය

1. කොළඹ කොටුව - අව්ස්සාවේල්ල දක්වා ප.ව.06.00 - මන්දගාමී


ප්‍රධාන දුම්රිය මාර්ගයේ සහ උතුරු දුම්රිය මාර්ගයේ අද (30) සවස කිසිදු දුම්රියක් ධාවනය නොවන බව දුම්රිය දෙපාර්තමේන්තුව සඳහන් කළා.

එම දෙපාර්තමේන්තුව වැඩිදුරටත් සඳහන් කළේ සියළුම දුම්රිය මාර්ගවල දුරගමන් සේවා සීඝ්‍රගාමී/ නගරාන්තර හා රාත්‍රී තැපැල් දුම්රියන් අද (30) ධාවනය නොවන බවයි.



(colombotimes.lk)