ස්ථාවර නියෝග 27 (2) යටතේ මතු කරන ලද ප්‍රශ්න සම්බන්ධයෙන් දැඩි ක්‍රියාමාර්ග ගන්නා බව කථානායක වෛද්‍ය ජගත් වික්‍රමරත්න අද (21) පාර්ලිමේන්තුවේදී නිවේදනය කළා.

ඔහු කියා සිටියේ විපක්ෂ නායකවරයා සහ පක්ෂ නායකයන් විසින් මෑතකදී මතු කරන ලද ඇතැම් ප්‍රශ්න වාචික ප්‍රශ්න හෝ කල් තැබීමේ අවස්ථාවේදී ප්‍රශ්න ආකාරයෙන් මතු කළ හැකි බවයි.

පක්ෂ නායකයන් මෑතකදී අමතර ප්‍රශ්න මතුකිරීමෙන් ස්ථාවර නියෝග උල්ලංඝනය කර ඇති බවත් ස්ථාවර නියෝග 27 (2) යටතේ ඇති ප්‍රශ්න ස්ථාවර නියෝගවලට දැඩි ලෙස අනුගත විය යුතු බවත් කථානායකවරයා වැඩිදුරටත් දැනුම් දුන්නා.