ග්‍රෑන්ඩ්පාස්, මට්ටක්කුලිය සහ වැල්ලම්පිටිය ප්‍රදේශවලදී අයිස් මත්ද්‍රව්‍ය සන්තකයේ තබා ගෙන සිටි සැකකරුවන් තිදෙනෙක් අත්අඩංගුවට ගෙන තිබෙනවා.

ඒ කොළඹ අපරාධ කොට්ඨාසයේ නිලධාරීන් පිරිසක් විසින් සිදු කළ වැටලීමකදීයි.

අත්අඩංගුවට ගත් සැකකරුවන් දෙදෙනෙක් සතුව තිබියදී අයිස් මත්ද්‍රව්‍ය ග්‍රෑම් 25 මිලිග්‍රෑම් 560ක් සහ අයිස් මත්ද්‍රව්‍ය ග්‍රෑම් 11 මිලිග්‍රෑම් 09ක් සොයා ගෙන තිබෙනවා.

කොළඹ අපරාධ කොට්ඨාසය සඳහන් කළේ අනෙක් සැකකරු සන්තකයේ තිබී අයිස් මත්ද්‍රව්‍ය ග්‍රෑම් 11 මිලිග්‍රෑම් 380ක් සොයා ගත් බවයි.

අත්අඩංගුවට ගත් සැකකරුවන් තිදෙනා වයස අවුරුදු 25 සහ 32 වියේ පසුවන වැල්ලම්පිටිය සහ මට්ටක්කුලිය ප්‍රදේශයේ පදිංචිකරුවන් බවයි වාර්තා වන්නේ.

(colombotimes.lk)