මෝටර් රථය කොළඹ නෙළුම්පොකුණ රඟහලේ සිට නිදහස් චතුරශ්‍රය දෙසට ධාවනය වෙමින් තිබියදී සීසීසී ක්‍රීඩාංගණය අසල වටරවුමේදී මෙම අනතුර සිදුව ඇති බවයි වාර්තා වන්නේ. 

 

එම ස්ථානයේ රථවාහන රාජකාරියේ නිරතව සිටි පොලිස් නිලධාරියා යටකරමින් සුඛෝපභෝගී මෝටර් රථය ධාවනය වී වටරවුම මැද තිබූ දිය උල්පතේ ගැටී තිබෙනවා.

 

මෝටර් රථයේ රියදුරු අපරික්ෂාකාරී ලෙස රිය පදවා අනතුරට ලක්ව තිබෙන බවට අනුමාන කෙරෙනවා. 

 

අනතුරින් තුවාල ලැබූ වලස්මුල්ල ප්‍රදේශයේ පදිංචි පොලිස් නිලධාරියා බරපතළ තුවාල ලබා කොළඹ ජාතික රෝහලට ඇතුළත් කර තිබුණා. 

 

රෝහලට ඇතුලත් කළ පොලිස් කොස්තාපල්වරයා අද උදෑසන ජිවිතක්ෂයට පත් වී තිබෙනවා.

 

අදාල සුඛෝපභෝගී මෝටර් රථය පැදවූ පුද්ගලයා තොරතුරු තාක්ෂණයට අදාල රැකියාවක් කරන අතර ඔහුව අත්අඩංගුවට ගෙන අධිකරණ වෛද්‍ය නිලධාරියාට යොමු කළා. 

 

ඔහු බීමතින් සිට නොමැති බවට තහවුරු වී තිබෙන අතර ඔහුට නින්ද යෑම නිසා ඔහු අතින් මෙම අනතුර සිදුවී තිබෙන බවයි වාර්තා වන්නේ.
(colombotimes.lk)