ආදරය කරන දෙන්නෙක් සිප ගැනීම හරි සාමාන්‍ය දෙයක්. මොකද එයාලගේ ආදරේ ප්‍රකාශ කරන එක ක්‍රමයක් විදියටත් සිපගැනීම හඳුන්වන්න පුළුවන්.

ඔබ නිකමට හෝ සිතා තිබෙනවාද සිප ගැනීම ආරම්භ වූ හැටි ගැන.

මේ ගැන විශේෂ හෙළිදරව්වක් මේ වන විට පරීක්ෂණ කණ්ඩායමක් විසින් සිදුකර තිබෙනවා.



ඒ අනුව ඔවුන් පවසන්නේ ප්‍රංශ සිපගැනීම එහෙමත් නැත්නම් French Kissing ආරම්භ වන්නට ඇත්තේ මීට වසර 4500කට පෙර මැද පෙරදිගදී බවයි.

මින් පෙර වාර්තා වූ කරුණු අනුව සාක්ෂි ලැබී තිබුනේ එය මීට වසර 1,000කට පෙර ආරම්භ වන්නට ඇති බවයි.

නමුත් එම සාක්ෂි වලට වඩා පැරණි සාක්ෂියක් මේ වනවිට හමුවී තිබෙනවා.

ඒ අනුව සොයාගෙන ඇත්තේ පැරණි මෙසපොතේමියාවේ එහෙමත් නැත්නම් ඉරාකය සහ සිරියාවේ මැටි පුවරු වල සිපගැනීමේ සිතුවම් අඹා ඇති බවයි.



එය ස්වාමිපුරුෂයා සහ භාර්යාව අතර සහයෝගීතාවය පෙන්වීම සඳහා යොදාගෙන ඇති බව ද පරීක්ෂකයින් සඳහන් කළා.

(Vimarshana Samarakoon @ COLOMBO TIMES)