ඕස්ට්‍රේලියානු ජාතිකයෙක් කෘතිම ටයිටේනියම් හදවතක් සමඟ දින 100ක් ජීවත් වී තිබෙනවා.

විදෙස් මාධ්‍ය වාර්තා කළේ එය එම තාක්ෂණය භාවිතා කළ අයෙක්ගේ මේ දක්වා දීර්ඝතම කාලය බවයි.
 
වයස අවුරුදු 40ක පුද්ගලයෙක් වන මෙම රෝගියා හට පසුගිය නොවැම්බර් මාසයේදී සිඩ්නිහී ශාන්ත වින්සන්ට් රෝහලේ ශල්‍යකර්මයක් අතරතුර මෙම බද්ධ කිරීම සිදු කර තිබෙනවා.

විදෙස් මාධ්‍ය වාර්තා කළේ පෙබරවාරි මාසයේදී මෙම උපකරණය සමඟ රෝහලෙන් පිටව ගිය ලොව පළමු පුද්ගලයා බවට ඔහු පත්වූ බවයි.

මෙම මස මුලදී හෘද පරිත්‍යාගශීලියෙක් ලබා ගත හැකි වන තෙක් ඔහුව ජීවතුන් අතර තබා ගැනීමට මෙම උපකරණය උපකාරී වී තිබෙනවා.

(colombotimes.lk)