හිටපු සෞඛ්‍ය අමාත්‍ය කෙහෙළිය රඹුක්වැල්ල ඇතුළු 12කට චෝදනා එල්ලවී ඇති හියුමන්ඉමියුනොග්ලොබියුලින් නැමති ප්‍රතිදේහ ඖෂධ තොගය තුළ මිනිස් ශරීරයට අහිතකර මාරාන්තික බැක්ටීරියා තිබූ බව ඊයේ (19) අධිකරණයේදී අනාවරණය වී තිබෙනවා. 

ඒ නියෝජ්‍ය සොලිසිටර් ජනරාල් ලක්මිණි ගිරිහාගම මෙම ඖෂධයට අදාළව සිදු කළ ජාත්‍යන්තර පරීක්ෂණයේ ප්‍රතිඵල අධිකරණයට දැනුම් දුන් අවස්ථාවේදීයි. 

බාල ඖෂධ ලෙස හඳුනාගත් හියුමන්ඉමියු⁣නොග්ලෝබියුලීන් සහ රිටොප්සිමැප් ඖෂධ ලෝක සෞඛ්‍ය සංවිධානයේ අනුමැතිය හිමි ජර්මානු රසායනාගාරයකට යවා පරීක්ෂා කර තිබෙනවා. 

ඇය මහේස්ත්‍රාත් අධිකරණයට දැනුම්දුන්නේ එම පරීක්ෂණ වාර්තාවට අනුව හියුමන්ඉමියු⁣නොග්ලෝබියුලීන් ඖෂධය තුළ මනුෂ්‍ය ශරීරයට අහිතකර මාරාන්තික බැක්ටීරියා වතුරත්, පිළිකා නාශක ඖෂධයක් වන රිටොප්සිමැප් ඖෂධයේ ලුණු වතුරත් පමණක් අඩංගු බවට තහවුරුවී ඇති බවයි. 


(colombotimes.lk)