මෙරට තරුණ දේශපාලනඥයන් 24දෙනෙක්ගෙන් යුත් කණ්ඩායමක් ඉන්දියාවේ විදේශ කටයුතු ලේකම් වික්‍රම් මිස්රි හමුවී තිබෙනවා. 

ඉන්දීය විදේශ කටයුතු අමාත්‍යාංශයේ මාධ්‍ය ප්‍රකාශක රන්ධීර් ජයිස්වාල් සිය Twitter ගිණුමේ සටහනක් තබමින් සඳහන් කළේ ඒ අදාළ පිරිස සති දෙකක වැඩසටහනක් සඳහා ඉන්දියාවට ගොස් සිටියදී ඔහුව හමුවූ බවයි. 

මෙහිදී ඉන්දු - පාකිස්ථාන අර්බුදයේ බලපෑම සහ නව කලාපීය සහයෝගීතාවයක් නිර්මාණය කිරීමට ඉන්දියාව නායකත්වය ගන්නේ කෙසේ ද යන්න පිළිබඳව ද සාකච්ඡා කර තිබෙනවා.
 
එමෙන්ම ඉන්දීය විදේශ ප්‍රතිපත්තිය අගය කිරීමට ද මෙම පිරිස කටයුතු කර තිබෙනවා.
 
මේ අතර අනාගත කොටස්කරුවන් ලෙස ඉන්දු - ශ්‍රී ලංකා හවුල්කාරිත්වය සම්බන්ධයෙන් වටිනා කාර්යභාරයක් ඉටු කිරීමට ඇති බව ද මෙහිදී විදේශ කටයුතු ලේකම්වරයා අවධාරණය කර තිබෙන බවයි වාර්තා වන්නේ. 

(colombotimes.lk)