හිටපු අමාත්‍ය විමල් වීරවංශ ඇතුළු විත්තිකරුවන් 06දෙනෙක්ට එරෙහිව ගොනු කර ඇති නඩුවක් වැඩිදුර විභාගය සඳහා නොවැම්බර් 10වනදා කැඳවන ලෙස කොළඹ මහේස්ත්‍රාත් අධිකරණය නියෝග කර තිබෙනවා.

අදාළ පැමිණිල්ල අද (01) කොළඹ ප්‍රධාන මහේස්ත්‍රාත් අසංක එස්. බෝදරගම ඉදිරියේ කැඳවූ අවස්ථාවේදී මෙම නියෝගය ලබාදී ඇති බවයි වාර්තා වන්නේ. 

ඉන් අනතුරුව මෙම නඩුවේ වැඩිදුර සාක්ෂි විභාගය නොවැම්බර් 10වනදා කැඳවන ලෙස මහේස්ත්‍රාත්වරයා නියෝග කර තිබෙනවා.

ඔහුට එල්ල වී ඇති චෝදනාව වන්නේ 2016 පෙබරවාරි 06වනදා කොළඹ තුන්මුල්ලේ පිහිටි එක්සත් ජාතීන්ගේ කාර්යාලය ඉදිරිපිටදී, එහි මානව හිමිකම් කොමසාරිස් සෙයිඩ් අල් හුසේන් කුමරු මෙරටට පැමිණීමට විරෝධය පළ කර මාර්ග අවහිර කරමින් උද්ඝෝෂණයක නිරතවීම තුළින් මහජන පීඩාවක් වන ආකාරයෙන් ක්‍රියා කිරීම සම්බන්ධයෙන්.

(colombotimes.lk)